AQSh-ta ushaq órtenip, 15 adam zardap shekti
ASTANA. QazAqparat - AQSh-taǵy Florıda áýejaıynan Karakas qalasyna ushýǵa daıyndalǵan «Boınga-767» ushaǵynyń ushý alańyna burylǵanda sol jaqtaǵy qozǵaltqyshy órtengen, dep habarlady Bı-bı-sı.
Jolaýshylar dereý úrlemeli basqyshtyń kómegimen qaýipsiz jerge shyǵaryldy. Oqıǵa saldarynan 15 adam jaraqattandy. Basym kópshiligi jeńil-jelpi jaraqattar alǵan, tek aýyr kúıik shalǵan bir jolaýshy aýrýhanaǵa jetkizildi.
Oqıǵa ushaqtyń sol jaqtaǵy qozǵaltqyshy órtenýi sebebinen oryn alǵan. Jolaýshylardyń aıtýynsha, aldymen shart etken qatty dybys estilip, keıin qozǵaltqysh tútindeı bastaǵan.
Bortta barlyǵy 101 jolaýshy men 9 ekıpaj múshesi boldy.
