AQSh-ta ushaq kóp páterli úıge qulady
ASTANA.QazAqparat - Ogaıo shtatynda on adamdyq Hawker H25 ushaǵy apatqa ushyrady. Bortta bolǵan eki adam qaıtys boldy, dep habarlady Associated Press jergilikti bılikke silteme jasap.
Oqıǵa seısenbi, 10 qarashada Ekron qalasynda oryn aldy. Bıznes-djet qulap bara jatyp elektr berý jelisin úzip ótip, kóp páterli turǵyn úıdiń ústine qulady. Áýe kemesi birden qyzyl jalynǵa oraldy, dep habarlady Lenta.rý .
Kirpish ǵımarattyń ishinde eshkim bolmaǵan. Alaıda aldyńǵy qabyrǵa qırap, qurylys otqa orandy.
Kýágerlerdiń aıtýynsha, apat bolǵan kezdegi jarylys úni birneshe kvartaldarǵa jetken.
