AQSh-ta ushaq eki buǵyny qaǵyp ketti
ASTANA. QazAqparat - Amerıkanyń Oregon shtatynda ushaq jerge qonǵaly jatqanda eki vapıtı buǵysyn qaǵyp ketken. Ushaq qatty zaqymdanyp, buǵylar mert bolǵan. Bul týraly The Oregonian basylymy habarlady.
Birinshi vapıtı Nehalem-Beı saıabaǵyndaǵy áýe aılaǵynyń ushý-qoný jolaǵyna eki oryndyq bir motorly Van's Aircraft RV-8 ushaǵy qonǵaly jatqan kezde shyǵa kelgen. Ushqysh buǵymen soqtyǵyspaý úshin ushaqty joǵary qaraı baǵyttaǵanmen, jetkilikti dárejede bıikke kóterile almaǵan. Sonyń saldarynan janýardy propelleri jáne shassıimen qaǵyp ketedi. Budan keıin ushaqqa qarama-qarsy taǵy bir vapıtı júgirip shyǵyp, ol áýe kemesiniń sol qanatyna soqtyǵysady.
Eki buǵy da mert boldy. Ushqysh pen jolaýshy zardap shekpedi, alaıda ushaq aıtarlyqtaı qatty zaqymdanǵan.
