AQSh-ta ushaq apatynan jeti adam qaza taýyp, bir adam aýyr jaraqat aldy

ASTANA.KAZINFORM - 25 qańtar keshke Men shtatynyń Bangor qalasynda jeke ushaq apatynan jeti adam qaza taýyp, bir adam aýyr jaraqat aldy, dep habarlaıdy Sınhýa.

AQSh Federaldy avıatsııa ákimshiliginiń (FAA) aldyn ala esebine sáıkes, ushaq «ushý kezinde belgisiz jaǵdaıda apatqa ushyrap, tóńkerilgen kúıde qulap, órtenip ketken».

Bangor halyqaralyq áýejaıynyń habarlaýynsha, tótenshe jaǵdaılar qyzmeti oqıǵaǵa jergilikti ýaqyt boıynsha saǵat keshki 7:45 shamasynda jaýap bergen.

FAA jáne Ulttyq kólik qaýipsizdigi keńesi apattyń sebebin tergep jatyr.

Aıta keteıik, AQSh-taǵy qarly boran áýe reısterin keshiktirip, myńdaǵan úıdi jaryqsyz qaldyrdy.