AQSh-ta úsh jasar bala úıden taýyp alǵan tapanshamen bir jasar sábıdi atyp tastady
ASTANA. QazAqparat - Amerıkalyq Klıvlendte (Ogaıo shtaty) úsh jasar bala abaısyzda bir jastaǵy balaǵa oq atqan.
Bul týraly qalalyq polıtsııa ókilderi málimdedi, dep habarlady TASS.
Olardyń aıtýynsha, sábı dereý aýrýhanaǵa jetkizilgen. Alaıda onyń ómirin saqtap qalý múmkin bolmady. Olar aǵaıyndy ma, joq pa, bul derek naqtylanbady.
Polıtseıler habarlaǵandaı, oqıǵa oryn alǵan sátte úıde birneshe bala jáne bir eresek adam bolǵan. Qarýdy qaraýsyz qaldyrǵan adamǵa aıyp taǵylatyn bolady.
AQSh-ta mundaı oqıǵalar jıi oryn alýda. Naýryzda Hıýstonda (Tehas shtaty) tórt jasar bala kútýshiniń úıinen taýyp alǵan tapanshamen óz-ózine oq atyp, qaza tapqan bolatyn.
