AQSh-ta úsh jasar bala basqa balany golf-mobılmen soǵyp, mert qyldy

ORLANDO. QazAqparat – Dúısenbi kúni Florıda shtaty Fort-Maıerste golfkar tizgindegen 3 jasar bala 7 jasar balany qaǵyp, mert qyldy, dep habarlaıdy QazAqparat CNN-ge silteme jasap.

Jergilikti polıtsııanyń habarlaýynsha, 3 jasar júrgizýshi golfkarmen jeke úıdiń oń jaq burylysyna jaqyndaǵan kezde aýlada turǵan 7 jasar balany basyp ketken.

Zardap shekken bala aýrýhanaǵa jetkizildi, onda dárigerler balanyń qaza tapqanyn aıtqan. 3 jasar bala zardap shekpegen.

Florıdada jasóspirimderdiń golfkar basqarýyna qatysty taıaýda jańa zań qabyldanǵan bolatyn, dep habarlaıdy WJFX. Taıaýda 18 jasqa deıingi kez kelgen adamnyń golf-mobıl júrgizýi úshin ruqsaty nemese júrgizýshi kýáligi talap etiledi.

Zań jobasyn gýbernator Ron DeSantıs qol qoıýy tıis jáne 1 qazanda kúshine enedi.

Onda kámeletke tolmaǵandardyń golf kólikterin neshe jastan bastap júrgizetini kórsetilmegen, biraq Florıdada osy kólik quralyn zańdy túrde júrgizý úshin barlyq kámeletke tolmaǵandardyń ruqsaty nemese júrgizýshi kýáliginiń bolýy kórsetilgen.WJFX málimetinshe, Florıdada júrgizýshiler 15 jastan kishi bolmaýy jáne ata-analarynyń kelisimi bolýy tıis.

Amerıkalyq pedıatrııa akademııasynyń málimetteri boıynsha, jyl saıyn búkil el boıynsha 6500-den astam bala golf mobıl oqıǵalarynan zardap shegýde. Onyń jartysynan kóbi - 12 jasqa deıingi balalar.