AQSh-ta Ýsama bın Ladenniń kúıeý balasyna qatysty sot úkimi shyqty
ASTANA. QazAqparat - Nıý-Iorkte sot terrorlyq aktilerge qatysy bar dep aıyptalǵan Ýsama bın Ladenniń kúıeý balasy Súleımen Ábý Geıtti ómir boıy bas bostandyǵynan aıyrý jazasyn taǵaıyndady, dep habarlady VVS.
Ol 2013 jyly Iordanııada ustalyp, AQSh-qa deportatsııalanǵan bolatyn. Geıt birneshe jyl boı tasalap júrdi, alǵashynda Aýǵanstanda tursa, keıin Irandy panalaǵan. Biraq, byltyr ol Ankara qalasyndaǵy qonaq úıde ustalyp, Túrkııa bıligi ony eline, Kýveıtke qaıtarmaq bolǵan. Biraq orta jolda Iordanııada AQSh-tyń arnaıy barlaý qyzmeti qolǵa túsirip, Amerıkaǵa jóneltti.
