AQSh-ta urlanǵan qyz oıyn prıstavkasynyń arqasynda tabyldy

FENIKS. QazAqparat - AQSh-tyń Federaldy tergeý bıýrosy (FBR) 2022 jyldyń tamyzynda iz-túzsiz joǵalǵan 14 jasar qyzdy tabý úshin Nintendo Switch oıyn prıstavkasyn paıdalandy, dep habarlaıdy QazAqparat ABC15-ke silteme jasap.

Іstiń egjeı-tegjeıi endi ǵana belgili boldy.

Jasóspirim 2022 jyldyń 3 tamyzynda Vırdjınııadaǵy úıinen joǵalyp ketti. Otbasy onyń taǵdyry jaıynda 11 kún beıhabar bolǵan.

Sot qujattaryna sáıkes, qyzdy 28 jastaǵy Etan Roberts urlaǵan.

Ol jasóspirimmen ınternet arqyly dostasyp, kórisip-tanysý úshin 3 myńnan astam shaqyrym jerden Vırdjınııaǵa kelip, sodan keıin ony Arızonaǵa alyp ketti.

Polıtsııanyń habarlaýynsha, odan keıin Roberts qyzdy Tollesondaǵy turǵyn úı keshenine ákeledi.

Urlaýshy qyzdyń pornografııalyq sıpattaǵy fotosýretterin túsirip, olardy Snapchat paıdalanýshylaryna satqan.

«Ol birneshe kúnde kóp nárseni bastan ótkerdi», — deıdi qyzdy izdeýmen aınalysqan eriktiler uıymyn basqarǵan Koýlman.

Urlaýshy qyzǵa Nintendo Switch oıyn prıstavkasyn ózimen birge ala ketýge ruqsat bergen.

Qyz YouTube kórý jáne oıyn júkteý úshin jelige qosylǵan kezde ınternette tsıfrlyq iz qaldyrdy. FTB qyzdy osynyń arqasynda taýyp alǵan.

Konsol paıdalanýshyǵa jelige qosylǵan saıyn oıyndaǵy dostaryn eskertýge múmkindik beredi. Osy fýnktsııa 14 jasar qyzdy qutqarýǵa kómektesti.

Dosy onyń esimi jelide qosylyp turǵanyn baıqap, dereý bılikke habarlaǵan.

FTR men AQSh polıtsııasy kúdiktilerdi ustaý jáne habar-osharsyz ketkenderdi izdeý úshin qurylǵylardy tsıfrlyq baqylaýdy jıi paıdalanady.

Barlyǵy Wi-Fi jáne LTE - uıaly telefon, iPad, saǵattarǵa qosylady. Bul zattardy adam tabý úshin paıdalanýǵa bolady.

Bul oqıǵada konsoldiń arqasynda FTB IP mekenjaıyn alyp, urlaýshynyń úıin anyqtap aldy. Qylmysker qamaýǵa alyndy.

Urlanǵan qyz otbasyna oraldy.