AQSh-ta ýnıversıtet kampýsynda bolǵan atys saldarynan bir adam zardap shekti
ASTANA. QazAqparat - Pıtersberg qalasynda ornalasqan Vırdjınııa shtaty ýnıversıtetiniń kampýsy aýmaǵynda senbi kúni bolǵan atys saldarynan kem degende bir adam jaraqat aldy. Bul týraly CBS telekompanııasy habarlady.
Telearnanyń deregi boıynsha, zardap shegýshi aýrýhanaǵa jetkizilgen. Onyń alǵan jaraqaty ómirine qaýip tóndirip tur. Oq atqan adam, boljam boıynsha qara násildi jas jigit. Onyń ne sebepti oq atqany jáne oqıǵanyń mán-jaıy anyqtalyp jatyr.
Ýnıversıtet aýmaǵy qorshaýǵa alynǵan, onda polıtsııa qyzmetkerleri jumys istep jatyr. Kúdiktiniń tutqyndalǵany habarlanbady.
