AQSh-ta ulttyq olımpıadalyq quramanyń Qytaıda tigilgen formasy úshin iri janjal týyndady

Beısenbi kúni amerıkandyqtar 27 shilde kúni Londondaǵy jazǵy Olımpıada oıyndarynyń saltanatty ashylýynda kıetin kıim En-bı-sı telekompanııasynyń efırinde kórsetildi. Al birneshe saǵattan keıin Vashıngtonda bul kıimniń modeleri men óndirýshisi - Ralf Lorenniń tanymal amerıkandyq sán úıi onyń tigilýin Qytaıda uıymdastyrǵany úshin janjal shyqty.

 Ásirese, AQSh Kongresiniń basshylyǵy qatty ashýlandy. «AQSh olımpıadashylary Amerıkada daıyndalǵan kıim úlgisin kııý kerek», - dep málimdedi ókilder palatasyndaǵy demokratııalyq azshylyqtyń kóshbasshysy  Nensı Pelosı.