AQSh-ta Úkimetke senim deńgeıiniń 28%-ǵa deıin tómendeýiniń sebebi nede?
ASTANA. 17 sáýir. QazAqparat - AQSh-ta federaldyq úkimetti azamattar tarapynan qoldaýy rekordtyq tómen dárejege deıin túsip ketti - amerıkandyqtardyń tek 28% ǵana onyń qyzmetin qostaıdy, dep aqparat taratty RBK.
Buǵan Pew kompanııasy júrgizgen áleýmettik saýalnama málimetteri dálel. Bir jylda Úkimetti qoldaý 5%-ǵa tómendedi.
Federaldyq úkimetke narazylyǵyna qaramastan, AQSh azamattarynyń 63%-y ózderiniń jergilikti bılikke senim bildiretindigin jáne oń kózqaraspen qabyldaıtyndyǵyn jetkizdi.
Federaldyq úkimettiń osynsha tómen reıtıngisiniń sebepteri túsinikti. Amerıkandyq baspasóz málimetterine júginsek, kazirgi sátte 20 mln. astam amerıkandyqtar jumyssyz nemese shala-sharpy jumyssyz bolyp tabylady. Bul osydan alty jyl burynǵydan, shamamen, eki ese artyq. Obamany birinshi ret saılaý sátinen beri 16 mln. astam amerıkandyqtar tamaq alý talony baǵdarlamasyna qosyldy. 50 mln. astam amerıkandyqtar qazirgi ýaqytta kedeıshilikte ómir súredi. Bul alty amerıkandyqtyń biri jáne bes amerıkandyq balanyń biri.
Sonymen qatar, tek qana tómengi kásibı biliktiligi bar adamdar ǵana emes, áıgili amerıkandyq JOO-nyń túlekteri de jıi jumyssyzdar qataryna qosylýda. Wall Street Journal gazetiniń málimetteri boıynsha, 2012 jyly 284 myń dıplomy bar bakalavrlar eń tómengi jalaqyǵa jumys istegen. Búgingi kúni AQSh-ta 25 jasqa deıingi jastar arasyndaǵy jumyssyzdyqtyń resmı deńgeıi 16,2%-dy quraıdy, alaıda táýelsiz sarapshylardyń pikirinshe, jastar arasyndaǵy jumyssyzdyqtyń shynaıy deńgeıi 20%-dan astam.
