AQSh-ta tyrysqaqqa qarsy ekpeni paıdalanýǵa ruqsat berdi
ASTANA. QazAqparat - AQSh-tyń Azyq-túlik pen dáriler basqarmasy (FDA) elde tyrysqaqqa qarsy birinshi ekpeni paıdalanýǵa ruqsat berdi, dep habarlaıdy nplus1.ru.
Vaxchora dep atalatyn preparatty PaxVax Bermuda kompanııasy ázirlegen. Onyń quramynda álemde keń taraǵan O1 tobyndaǵy Vibrio choleraesero shtamy bar.
Baspasóz habarlamasynda jazylǵandaı, preparat tyrysqaq kóp taraǵan elderge saparmen, baratyn 18 ben 64 jas aralyǵyndaǵy adamdarǵa arnalǵan.
Dúnıejúzilik densaýlyq saqtaý uıymynyń baǵalaýynsha, jyl saıyn álemde 1,4 - 4,3 mıllıon adam tyrysqaq aýrýyna shaldyǵady, olardyń 28 -142 myńǵa jýyǵy ajal qushady.
