AQSh-ta tyńshylyq úshin ustalǵandardyń tiziminde qazaqstandyqtar bar
ASTANA. 5 qazan. QazAqparat - AQSh-ta tyńshylyq úshin ustalǵandardyń 4-eýi reselik bolsa, qalǵandary TDM elderiniń týmalary, dep habarlady Hıýstondaǵy RF bas konsýldyǵynyń konsýl-keńesshisi Sergeı Azızovqa silteme jasap Reseılik Jańalyqtar agenttigi.
«Iá, bizde kimniń azamattyǵy qandaı ekendigi týraly aqparat bar... Posobılov Aleksandr, Fıshenko Aleksandr men Klebanova Vıktorııada AQSh pen RF-nyń azamattyǵy bar, Dıatlova Anastasııa tek reseılik azamattyqqa ıe. Qalǵandary - Ýkraına, Ázerbaıjan jáne Qazaqstannyń azamattary», - dedi Azızov.
AQSh pen RF arasynda jańa tyńshylyq daý-damaı týyndady. Federaldyq tergeý bıýrosy Reseı Federatsııasyna áskerı tehnologııalardy zańsyz eksporttaǵan birneshe kúdiktiniń, sonyń ishinde reseılikterdiń ustalǵandyǵyn málimdedi.
Qazirgi ýaqytta 11 kúdiktiniń segizi ustaldy. AQSh RF-ǵa tehnologııalardy eksporttaýǵa qatysy bar 165 kompanııa men tulǵalardy «qara tizimge» engizdi.
Reseıdiń SІM-de bul oqıǵada túsiniksiz jaıttar kóp ekendigin málimdedi. Dıplomattar ustalǵan reseılikterdiń quqyqtarynyń saqtalýyn qamtamasyz etip, olarmen konsýldyq kezdesýlerdi uıymdastyrýǵa nıetti.
