AQSh-ta tutqyndalǵan ýkraındyq jattyqtyrýshy ózin-ózi óltirdi
ASTANA. 11 aqpan. QazAqparat - AQSh-ta kámeletke tolmaǵandy zorlady degen kúdikpen tutqyndalǵan ýkraınalyq hokkeı komandasynyń jattyqtyrýshy Ivan Pravılov Fıladelfııa túrmesinen óli tabyldy.
Bı-Bı-Sı-diń habarlaýynsha, ýkraın azamatynyń denesi juma kúni jergilikti ýaqyt boıynsha shamamen 15:00-de tabyldy. Aldyn ala málimetter boıynsha, I.Pravılov ózin ózi óltirgen. Ýkraındyq jattyqtyrýshy óliminiń naqty sebebi denesin ashýdan keıin belgili bolady.
48 jastaǵy I.Pravılov óziniń Fıladelfııada (Pensılvanııa shtaty) qurǵan jasóspirimderge arnalǵan hokkeı mektebine jetekshilik etken. Jattyqtyrýshy bıylǵy jyldyń qańtar aıynda ustaldy. Oǵan óz mektebiniń 14 jasar tárbıelenýshisine qatysty seksýaldyq sıpattaǵy áreket jasaýda aıyptaýlar taǵyldy.
Tergeý málimetteri boıynsha, oqıǵa osy jyldyń 3 qańtarynda boldy. I.Pravılov sabaqtan keıin eki 14 jasar uldy óz úıine aparady. Bireýine seksýaldyq sıpattaǵy áreket jasap, kýáger bolǵan ekinshisin óltiem dep qorqytqan.
I.Pravılov óz kinásin moıyndaǵan joq.
2007 jylǵa deıin I.Pravılov Ýkraınanyń «Dostyq-78» jastar hokkeı komandasynyń jattyqtyrýshysy bolǵan. Keıinnen ol Fıladelfııaǵa kóship, onda jasóspirimderge arnalǵan hokkeı mektebin ashty.
