AQSh-ta týrıstik avtobýs apatqa ushyrady: toǵyz adam qaza boldy
ASTANA. 31 jeltoqsan. QazAqparat - Amerıkandyq Oregon shtatynda kanadalyq kompanııanyń ıeligindegi avtobýs tasjoldyń qorshaýyn buzyp ótip, jyraǵa qulady.
Keminde toǵyz adam mert bolyp, 20-ǵa jýyǵy jaralandy, dep habarlady Bı-Bı-Sı shtat polıtsııasyna silteme jasap.
Apat Pendlton qalasynyń mańynda boldy. Las-Vegastan Vankýverge qaıtyp kele jatqan avtobýstyń ishinde 40-qa tarta adam bolǵan.
Qutqarýshylar tiri qalǵan adamdardy jippen tartyp jyradan shyǵaryp aldy. Olardyń arasynda aýyr jaraqat alǵan avtobýs júrgizýshisi de bar.
Qazirgi kezde polıtsııa apattyń sebepterin anyqtaýda. Jol kóktaıǵaq bolǵany jáne onyń ústine osy ýchaske qaýipti ekeni habarlanady.
