AQSh-ta turǵyn úıde bolǵan órtten anasy men onyń 4 balasy qaza boldy

TASS agenttiginiń málimetterinshe, senbi, 4 naýryz kúni bul týraly qalalyq órt basqarmasynyń basshysy Ron Geıts habarlaǵan.

Órt jergilikti saǵat 12-45-te tutanǵan. As úıde paıda bolǵan jalyn aımaqtaǵy búkil qurylys nysandaryn sharpyp, sońynda onyń barlyǵy janyp ketken. Órt kezinde 1 áıel 4 balasymen birge qurban bolǵan.

Ýorvık Masachýsets shtatynyń soltústiginde ornalasqan. Qala turǵyndarynyń sany shamamen 800 adamdy quraıdy. Qalada gıdranttar joq. Sol sebepti órt sóndirýshiler oqıǵa bolǵan aımaqtan 1 km-ge deıingi jerden sý tasýǵa májbúr bolǵan.

2 naýryz kúni AQSh-taǵy turǵyn úılerdiń birinde bolǵan órtten taǵy 4 balanyń qurban bolǵandyǵy habarlandy. Qaıǵyly jaǵdaı Rıddl qalasynda (Oregon shtaty) boldy. Qurban bolǵan balalar 4-10 jas aralyǵynda. Balalardyń ata-analary aman qaldy, alaıda olar aýyr jaraqat alǵan.