AQSh-ta turǵyn úı órtenip, 10 adam kóz jumdy

NUR-SULTAN. QazAqparat –AQSh-tyń Pensılvanııa shtatynda turǵyn úı órtenip, 10 adam qaza tapty, dep habarlaıdy QazAqparat VVS aqparat agenttigine silteme jasap.

Fıladelfııadan 150 shaqyrym jerde ornalasqan Neskopek qalasynda bolǵan órtten jeti eresek adam men bes, alty jáne jeti jastaǵy úsh bala kóz jumdy.

Oqıǵa ornyna kelip jetken órt sóndirýshilerdiń arasynda bolǵan qyzmetker, erikti órt sóndirýshi Garold Beıker Associated Press agenttigine olardyń uly, qyzy, qaıyn atasy, áıeliniń ápkesi jáne onyń kúıeýi, úsh nemeresi jáne taǵy eki týysy ekenin aıtty. «Olardy qutqara almaǵanym – men úshin eń úlken qaıǵy», - dep qosty ol.
Polıtsııa órttiń juma kúni tańǵy saǵat 02:30 shamasynda úıdiń esiginen bastaldy dep shamalap otyr. Polıtsııanyń órttiń shyǵý sebepterin tergeýge kiristi.

Foto: bbc.com