AQSh-ta turǵyn úıdiń ústine meteorıt qulady

ASTANA. KAZINFORM – Djordjııa men kórshiles shtattardyń júzdegen turǵyny meteorıttiń aspanda ushyp, artynsha jarylǵanyn kórdi, dep habarlaıdy BBC. 

NASA 26 maýsymda meteorıttiń Djordjııa shtatynyń ústinen kúndizgi ýaqytta aspannan ushyp ótip, keıin jarylǵanyn rastady.

Djordjııa ýnıversıtetiniń zertteýshileri Makdonodaǵy úıdiń tóbesine qulaǵan tas synyǵyn zerttep, meteorıttiń túrine qaraı 4,56 mlrd jyl buryn paıda bolǵanyn anyqtady. Bul onyń Jerden shamamen 20 mln jylǵa úlken ekenin tanytyp otyr.

Meteorıt ushyp bara jatqanda kólemi men jyldamdyǵyn tez tómendetken. Biraq ol Genrı graftyǵyndaǵy úıdiń tóbesine soǵylǵan kezde sekýndyna keminde 1 km júrgen. Ǵımaratqa qulaǵan synyqtar olardyń shyǵý tegin teksergen ǵalymdarǵa tapsyryldy. 

Djordjııa ýnıversıtetiniń geology Skott Harrıs pen onyń komandasy optıkalyq jáne elektrondy mıkroskoptardyń kómegimen meteorıttiń túrin anyqtady. Bul – jartas meteorıtteriniń eń kóp taralǵan túri handrıt bolyp shyqty. NASA málimetinshe, onyń jasy – shamamen 4,56 mlrd jyl. 

Makdono meteorıti dep atalǵan nysan – Djordjııadan tabylǵan 27-shi meteorıt.

Buǵan deıin AQSh-ta Marstan qulaǵan eń úlken meteorıt 5 mln dollarǵa satylǵanyn jazǵan edik.