AQSh-ta turatyn eki jasar Álııa polıtsııa shaqyrtqan
ASTANA. QazAqparat - AQSh-ta eki jasar qyz bala kıine almaı, polıtsııany shaqyrtty, dep habarlaıdy CBS.
Ońtústik Karolına shtatynyń dıspetcherlik qyzmeti polıtsııa jasaǵyna baılanys qosylǵannan keıin kóp uzamaı tutqany qoıa salǵan kishkentaı bala qońyraý shalǵany týraly aqparat berdi. Patrýl shuǵyl túrde qońyraý shalynǵan mekenjaıǵa bardy.
«Biz kelgen kezde aldymyzdan shalbaryn jarym-jartylaı kıgen kishkentaı qyz shyǵyp, «Sálem!» dep aıtqanda qatty tańqaldyq», - dep baıandady polıtsııa ofıtseri Marta Loýns. Ol balaǵa kıinýge kómektesti. Búldirshin tártip saqshysyn qushaqtap, alǵysyn bildirdi.
Eki jasar Álııanyń anasynyń aıtýynsha, ol balasyn kómek kerek bolǵan jaǵdaıda, 911 nómirine habarlasýdy úıretken. «Biz nómirlerdi jattap júrdik, biraq men onyń telefon soǵa alatynyna tańqaldym», degen áıeldiń sózderin keltiredi basylym.
