AQSh-ta túngi klýbtaǵy atystan qaza tapqandar sany 50-ge jetti
ASTANA. QazAqparat - AQSh-tyń Orlando qalasynda túngi klýbta atystan qaza tapqandar sany 50 adamǵa jetti. Al 53 adam túrli deńgeıdegi jaraqat alǵan, qazir olar aýrýhaǵa jatqyzyldy.
Dárigerlerdiń aıtýyna qaraǵanda, olardyń keıbiriniń jaǵdaıy aýyr.
Eske sala keteıik, Orlandodaǵy túngi klýbta atys boldy. Qaskóıdiń 29 jastaǵy Omar Matın esimdi jergilikti turǵyn ekeni anyqtaldy. Onyń otbasy Aýǵanstannan kóship kelipti. Ol beıbereket oq atyp, birneshe adamdy kepildikke alǵan. Polıtsııa 3 saǵattyq atystan keıin kúdiktini atyp óltirdi. Bılik bul qylmysty lańkestik áreket dep baǵalaǵan. Biraq jergilikti sıpattaǵy nemese halyqaralyq deńgeıdegi ekstremızm ekeni ázirge belgisiz. Tergeýi isine AQSh-tyń Federaldy barlaý bıýrosy da qosyldy, dep jazady sheteldik BAQ.
