AQSh-ta tumaý juqtyrǵandar sany artyp keledi

ASTANA.KAZINFORM - Tumaýdyń jańa A nusqasy nemese H3N2 AQSh-ta tez taralýyna baılanysty «sýper tumaý» degen ataýǵa ıe boldy, dep habarlaıdy NBC News.

Aýrýlardy baqylaý jáne aldyn alý ortalyqtarynyń málimeti boıynsha, 20 jeltoqsandaǵy jaǵdaı boıynsha tumaýdyń taraýy 32 shtatta «joǵary» nemese «óte joǵary» deńgeıde boldy, bul aldyńǵy aptadaǵy 17 shtattan joǵary. Qazan aıynan beri kem degende 7,5 mıllıon adam aýyrǵan.

Aýrýhanaǵa jatqyzý bir apta ishinde eki esege artyp, 19 053 jaǵdaıǵa jetti, bul aldyńǵy aptadaǵy 9 944 jaǵdaımen salystyrǵanda joǵary. Tumaýdan shamamen 3100 adam qaıtys boldy. Balalar ólimi de tirkeldi.

Dárigerler tumaý aldaǵy birneshe apta boıy taraıdy dep boljady, al báseńsý kelesi jyldyń qańtar aıynyń sońy nemese aqpan aıyna qaraı bolýy múmkin. Tumaýdyń joǵary deńgeıi týraly habarlaǵan jańa shtattarǵa Kalıfornııa, Nevada, Mıssýrı, Arkanzas, Alabama jáne Florıda kiredi.

«Óte joǵary» sanattaǵy birneshe shtattarǵa Nıý-Iork, Nıý-Djersı, Ońtústik Karolına, Lýızıana jáne Kolorado kiredi.

Qazirgi ýaqytta basym shtamm - tumaý A, atap aıtqanda, tez taralatyn mýtatsııalanǵan H3N2 shtamy.

Osyǵan deıin DDU Gonkong tumaýynyń tez taralyp jatqanyn eskertken bolatyn.