AQSh-ta tumaý taraýyna baılanysty 11 shtatta mektepter jabyldy
ASTANA. QazAqparat - Tumaý epıdemııasy taraýyna baılanysty AQSh bıligi 11 shtattyń mektepterinde sabaqty toqatty, dep habarlaıdy QazAqparat TASS agenttigine silteme jasap.
Dúısenbiden bastap, Aıdaho, Alabama, Illınoıs, Kentýkkı, Mıchıgan, Mıssýrı, Oklahoma, Solstústik Karolına, Tennessı, Tehas jáne Florıda shtattaryndaǵy mektepterde sabaq bolmaıdy. Oqýdyń qaı ýaqytta bastalatyny týraly eshteńe aıtylmaıdy. Óıtkeni ol epıdemıologııalyq jaǵdaıdyń qaýiptiligine baılanysty.
Aýrýlardy baqylaý men onymen baılanysty jaǵdaıdy saýyqtyrý jónindegi federaldy ortalyq (Centers for Desease Control and Prevention, CDC) basshysy Brend Fıtsdjerald The Hill basylymyna bergen suhbatynda elde tumaýdyń saldarynan 37 balanyń kóz jumǵanyn habarlady. Sarapshylar qys mezgiliniń sońyna taman bul kórsetkishtiń ósýi múmkindigin aıtýda.
AQSh-ta dárigerler 6 jastan bastap, barlyq turǵyndarǵa tumaýǵa qarsy ekpe jasatýdy talap etip otyr.
