AQSh-ta týberkýlezdiń eń iri indeti tirkeldi

ASTANA. KAZINFORM – Kanzas shtatynda AQSh tarıhyndaǵy eń iri týberkýlez oshaqtarynyń biri tirkeldi, dep habarlaıdy Kazinform menshikti tilshisi.

Kanzas shtaty densaýlyq jáne qorshaǵan orta departamentiniń (KDHE) málimetinshe, 24 qańtardaǵy jaǵdaı boıynsha týberkýlezdiń belsendi formasynyń 67 rastalǵan jaǵdaıy tirkeldi, onyń ishinde Ýaındott okrýginde aýrýǵa shaldyǵýdyń 60 jáne Djonson okrýginde jeti jaǵdaıy rastalǵan, dep habarlaıdy ABC News.

Sonymen qatar, jasyryn týberkýlezdiń 79 jaǵdaıy (Ýaıandot okrýginde 77 jáne Djonson okrýginde 2) rastaldy.

Týberkýlezdiń alǵashqy oshaǵy 2024 jyldyń qańtarynda tirkeldi. Ótken jyly aýrýdan eki adam qaıtys boldy.

Kanzas shtatynyń densaýlyq saqtaý organdarynyń ókilderi jaqyn mańdaǵy okrýgter men jalpy halyqqa qaýip «óte tómen» deıdi. Ýaıyndott okrýgi Kanzas-Sıtıdiń bir bóligin qamtıdy, al Djonson okrýgi Kanzas-Sıtıdiń ońtústik-batysynda ornalasqan.

Buǵan deıin AQSh Dúnıejúzilik densaýlyq saqtaý uıymynan shyqqanyn habarlaǵan bolatynbyz.