AQSh-ta Tramptyń bir ǵana Altyn kartasy maquldandy
ASTANA.KAZINFORM - AQSh-tyń Saýda mınıstri Govard Lıýtnıktiń aıtýynsha, jeltoqsan aıynan bastap AQSh-ta turaqty turý baǵdarlamasyna ótinish qabyldana bastaǵannan beri Tramp ákimshiligi bir ǵana Altyn kartany maquldady, dep habarlaıdy CBS News.
Ókilder palatasynyń kishi komıteti aldynda kýálik bergen Lıýtnık «bir adamnyń ótinishi jaqynda maquldandy, biraq kezekte júzdegen adam tur» dedi.
AQSh Іshki qaýipsizdik departamenti baǵdarlamany baqylaıdy jáne olar báriniń minsiz ekenine kóz jetkizgisi keledi. Ol Altyn kartaǵa ótinish berýshilerdi tekserý protsesi «úkimet tarıhyndaǵy eń qatań kezeńge aınalǵanyn» atap ótti.
Vıza baǵdarlamasy AQSh úkimetine 1 mıllıon dollar qaıyrymdylyq jasaǵan sheteldikter úshin qoljetimdi. Ótinish berýshiler sonymen qatar Іshki qaýipsizdik departamentine 15 000 dollar ótinim aqysyn tóleýi kerek. Prezıdent Tramp bul baǵdarlamany ótken jyly jarııalap, ony qaltaly sheteldikter úshin AQSh-ta zańdy turýǵa jedeldetilgen jol jáne úkimettiń bıýdjetin arttyrý tásili retinde usyndy.
Buǵan deıin AQSh vızasyna 15 000 dollar kepil tóleıtin elder tizimi 50-ge deıin kóbeıgeni habarlanǵan.
