AQSh-ta Trampty óltiremin dep qorqytqan er adam qamaýǵa alyndy

ASTANA. KAZINFORM – Tramptyń shtatqa sapary kezinde Arızona shtatynyń qart turǵynyna izdeý salyndy. Er adam Respýblıkalyq partııadan prezıdenttikke úmitkerdi óltiremin dep qorqytqan, dep jazady DW.

AQSh-tyń Arızona shtatyndaǵy Kochız okrýginiń polıtsııasy buǵan deıin áleýmettik jelide AQSh prezıdenttigine kandıdat Donald Trampty óltiremin dep birneshe ret qorqytqan 66 jastaǵy Ronald Sıvrýdty qamaýǵa aldy. Bul týraly 23 tamyz, juma kúni okrýg sherıfi habarlady.

Sıvrýd «sońǵy eki apta ishinde» aty atalmaǵan áleýmettik jelilerde «kandıdatqa dene jaraqatyn salý týraly sózder jazylǵan» eki habarlama jarııalaǵan. Habarlamalardyń biri 21 tamyzda, Tramp shtatqa kelerden bir kún buryn jarııalanǵan.

Sıvrýd buǵan deıin de basqa da quqyq buzýshylyqtarǵa qatysqan, atap aıtqanda, kólikti mas kúıinde júrgizý, qylmys ornynan qashý jáne seksýaldy sıpattaǵy qylmys jasaý boıynsha izdeýde bolǵan.

Sherıf keńsesi er adamnyń «qylmyssyz qamaýǵa alynǵanyn» aıtty. Ol týraly aqparat AQSh-tyń qupııa qyzmetine berildi, olar qosymsha tergeý júrgizip jatyr.