AQSh-ta Tramp pen Klınton «sýperseısenbide» aıqyn basymdyqpen jeńiske jetýde
ASTANA. QazAqparat - AQSh-ta «sýperseısenbi» dep atalyp ketken prezıdenttik saılaýaldy naýqannyń mańyzdy kezeńderiniń biri ótip jatyr. Birden 12 shtatta bastapqy saılaý (praımerız) men partııalyq aktıvterdiń jınalystary (kokýstar) ótip jatyr.
Aldyn ala qorytyndylar boıynsha jarystyń eki kóshbasshysy anyqtaldy - ol respýblıkashyl Donald Tramp pen demokrattar ókili Hılları Klınton.
AQSh-tyń burynǵy bas hatshysy Vırdjınııa, Djordjııa, Alabama, Tennessı, Tehas jáne Arkanzasta aıqyn basymdyqpen jeńiske jetti. Onyń basty básekelesi, demokrat Bernı Sanders Hıları Klıntonnan eki shtatta ǵana ozyp shyqty.
Respýblıkashyldardyń arasynda mıllıarder Donald Tramp alda kele jatyr. Oǵan Vırdjınııa, Djordjııa, Massachýsets, Alabama, Tennessı jáne Arkanzasta kóp daýys berilgen. Respýblıkalyq partııanyń taǵy bir ókili Ted Krýzǵa sondaı-aq nebári eki shtat «baǵynǵan».
