AQSh-ta Tramp beınelengen meretoılyq altyn moneta jasalyp jatyr
ASTANA. KAZINFORM — AQSh-tyń Beıneleý óneri komıssııasy AQSh-tyń 250 jyldyǵyna oraı Donald Tramp beınelengen 24 karattyq altyn moneta shyǵarýǵa daýys berdi, dep habarlaıdy Kazinform agenttiginiń Vashıngtondaǵy tilshisi.
Monetada Sopaq kabınettegi Donald Tramp beınelenedi, bir jaǵynda «1776», al ekinshi jaǵynda «2026» sandary bolady, dep habarlaıdy NBC News.
AQSh qazynashysy Brendon Bıch málimdemesinde ony «teńdessiz eskertkish moneta» dep atady.
— 250 jyldyq mereıtoıymyz jaqyndaǵan saıyn biz elimiz ben demokratııamyzdyń máńgilik rýhyn beıneleıtin monetalardy daıyndaıtynymyzǵa qýanyshtymyz. Mundaı moneta úshin qazirgi prezıdent Donald Tramptyń portretinen artyq sımvolıkalyq beıne joq, — dedi AQSh qazynashysy Brendon Bıch.
2020 jylǵy Kollektsııalyq monetalardy qaıta jobalaý týraly zańǵa sáıkes, Qazynashylyq departamenti «2026 jyldyń 1 qańtarynan bastap bir jylǵa Amerıka táýelsizdiginiń 250 jyldyǵyn beıneleıtin dızaıny bar 1 dollarlyq monetalardy shyǵarýy múmkin».
Buǵan deıin AQSh prezıdenti Donald Tramptyń keıbir jaqtastary onyń beınesin eldegi eń kórnekti eskertkishterdiń biri – Rashmor taýyna qosqysy keletinin jazǵanbyz.
