AQSh-ta tornadodan 25 adam qaza tapty

NEShVILL. QazAqparat – Amerıkanyń Tennesı shtatynyń gýbernatory Ýılıam Lı seısenbi kúni shtattyń ortalyq bóligine kelgen eki tornadodan qaza tapqandar sany 25 adamǵa jetkenin málim etti. Tennesıdiń eń úlken qalasy Neshvıllde tornado úıler men ǵımarattardy qıratty, dep habarlaıdy QazAqparat BBC-ge silteme jasap.

Amerıkalyq BAQ daýyl tún ortasynda bolǵandyqtan, kóptegen adamdardyń panalap úlgermegenin habarlady.

Prezıdent Donald Tramp juma kúni shtatqa barýdy josparlap otyrǵanyn málim etti.

Gýbernator Lı birneshe adamnyń iz-túzsiz joǵalyp ketkenin baspasóz máslıhatynda aıtty.

Turǵyndardyń biriniń aıtýynsha, Neshvıll «áskerı qaqtyǵystar aımaǵyna» uqsap ketken.

Tabıǵı apattan Neshvıllden shyǵysqa qaraı 130 shaqyrym qashyqtyqtaǵy Pýtnem okrýgi qatty zardap shekken. Munda tornado 19 adamnyń ómirin jalmaǵan.

Ýılson okrýginde úsh adamnyń, ekeýi Devıdson jáne biri Bentonda qaza tapqany habarlandy.

Neshvıll meri Djon Kýper qalanyń «qańyrap» qalǵanyn aıtty jáne adamdardy «kórshilerge kómek qolyn sozýǵa» shaqyrdy.

Mer Kýperdiń aıtýynsha, 150 zardap shegýshi medıtsınalyq mekemege jetkizilgen.

Qalada izdeý-qutqarý jumystary júrip jatyr. 44 myńǵa jýyq adam jaryqsyz qalyp, áýejaı qyzmetine kedergi keltirgen.

Resmı ókilder qaladaǵy mektepterdiń, sottar men avtoparkterdiń jabylatynyn jarııalady.