AQSh-ta tornadodan 18 adam qaza tapty
ASTANA. QazAqparat - AQSh-ta ońtústik pen ortalyq batysyna kelgen tornadodan 18 adam qaza tapty, úıler men saýda ortalyqtary zaqymdaldy, dep habarlaıdy QazAqparat Amerıka Daýysy basylymyna silteme jasap.
Shuǵyl áreket etý qyzmetiniń qyzmetkerleri qaza tapqandardy eseptep, tornadonyń zaqymyn qarady. Alabama, Illınoıs, Indıana jáne Arkanzasta adamdar qaza tapty. Kóptegen aýdandarda jaryq joq, joldardy úıindiler basyp qalǵan.
Illınoıs shtaty Belvıderde tornado kezinde rok-kontsert ótýi tıis «Apollon» teatrynyń shatyryn ushyryp áketti. Bir adam qaza taýyp, 28-i jaraqat aldy, onyń beseýi - aýyr halde jatyr.
poweroutage.us saıtynyń málimetinshe, Arkanzasta 90 myń tutynýshy jaryqsyz otyr.
