AQSh-ta tornado turyp, 25 adam kóz jumdy

ASTANA. QazAqparat – AQSh-tyń Mıssısıpı shtatynda tornado daýyly turyp, 25 adam mert boldy, dep habarlaıdy QazAqparat Euronews-ke silteme jasap.

Tabıǵat qubylysynan Rollıng-Fork qalasy qattyraq zardap shekti. Qalada júzdegen ǵımarat qırap, ondaǵan adam jaraqattandy.

AQSh Prezıdenti Djo Baıden birneshe okrýgte tótenshe jaǵdaı rejımin jarııalady. Zardap shekkenderge kómek berýdi tapsyrdy. Sony ishinde ýaqytsha baspana turǵyzý da bar. Búlingen ınfraqurylymdy qalpyna keltirip, turǵyn úıleri saqtandyrylmaǵandarǵa jeńildikpen nesıe berý qajettigin aıtty.

Aıta ketsek, 2011 jylǵy sáýirde osy shtatta tornado turyp, 31 adam ajal qushqan edi.