AQSh-ta tornado saldarynan bir adam qaza taýyp, 20-dan astam adam jaraqat aldy

BIRMINGEM. QazAqparat – AQSh-tyń Alabama shtatyndaǵy Fýltondeıl qalasynda bolǵan kúshti quıyn saldarynan kem degende bir adam qaza taýyp, 20-dan astam adam jaraqat aldy, dep habarlady QazAqparat nbcnews.com-ǵa silteme jasap.

Djefferson okrýginiń Tótenshe jaǵdaılar jónindegi basqarma dırektory Djım Koker 20-ǵa jýyq adamnyń jaraqat alǵanyn málimdedi. 9 myńǵa jýyq turǵyny bar Fýltondeıl qalasy Djefferson aımaǵynda ornalasqan.

Kokerdiń aıtýynsha, quıyn Fýltondeıl arqyly ótip, odan keıin jaqyn ornalasqan Senter-Poınt qalasyna jyljyǵan.

Apattyń vıdeosynan búlingen shatyrlar, opyrylyp qulaǵan qabyrǵalar, aýdarylǵan kólikter jáne úzilgen elektr jelisin kórýge bolady.

Bırmıngemdegi Ulttyq meteorologııalyq qyzmeti (NWS) tornadonyń kúshin anyqtaý úshin keltirgen shyǵyn esepteletinin málimdedi.

Aımaqtyń soltústik-shyǵys bóligindegi kóptegen mektep ınfraqurylym men kommýnaldyq nysandardyń qıraýyna baılanysty jabyq.

Djefferson okrýginiń bıligi adamdardy tornada kezinde jasyrynyp, Fýltondeıl men Senter-Poınt qalasynan qashyqtaý júrýge shaqyrdy.