AQSh-ta tornado 500-den astamnyń ómirin qıyp ketti
ASTANA. 6 maýsym. QazAqparat - AQSh-ta jyl basynan beri bolǵan tornadolardyń saldarynan 523 adam mert boldy,
dep habarlaıdy ITAR-TASS agenttigi. Bul sońǵy 75 jylda quıynnyń saldarynan qaza tapqan eń kóp qurban. Resmı statıstıkaǵa súıensek, 1936 jyly tornadodan 552 amerıkandyq opat bolǵan eken.
Qurama Shtattarda jyldyń basynan beri 1 myńnan astam tornado tirkelgen, onyń 1/3 sáýir aıynda bolyp, olardyń saldarynan 360-tan astam adam qaza tapqan edi.
Sońǵy 60 jyldaǵy eń zulmat tornado 22 mamyrda Mıssýrı shtatynyń Djoplın qalasynda boldy. Quıynnyń ózegindegi jeldiń jyldamdyǵy 320 shaqyrym/saǵatty shamalaǵan. 900-den astam adam túrli jaraqat alǵan. Quıyn qalanyń úshten bir bóligin jermen-jeksen etip, 2 myńdaı ǵımaratty qıratqan, taǵy 8 myń nysandy zaqymdaǵan. Ókimet iz-túzsiz joǵalyp ketkenderi áli kúnge deıin izdestirýde, al qaza bolǵandardyń sany kún saıyn kóbeıip otyr - tek ótken aptanyń ózinde aýrýhanalarda taǵy tórt adam jaraqattan kóz jumdy. Qazirgi tańda Djoplın qalasyndaǵy tornado qurbandarynyń sany 138 adamdy qurap otyr.
