AQSh-ta tolassyz jaýǵan qardyń kesirinen qaza tapqandar sany 48 adamǵa jetti
ASTANA. QazAqparat - AQSh-ta qardyń qalyń túsýinen qaza tapqandar sany 48 adamǵa jetti, dep habarlady Assoshıeıted Press agenttigi.
Budan buryn qaza tapqandar sany 31-ge jetti dep habarlanǵan.
Vashıngtonda federaldyq vedomstvolar ekinshi kún qatarynan jumys istemeıdi.
Adamdardyń qaıtys bolý oqıǵalary negizinen jol apaty, ıis tııý saldarynan oryn aldy. Ólim-jitim Vashıngton, Delaver, Kentýkkı, Merılend, Nıý-Djersı, Nıý-Iork, Ońtústik jáne Soltústik Karolına, Ogaıo, Pensılvanııa, Tennessı, Vırgınııada tirkeldi.
Shtattarda 22 qańtarda bastalǵan tolassyz qar saldarynan AQSh-tyń 90 mıllıon turǵyny qursaýda qaldy. 11 shtatta bılik Tótenshe jaǵdaı rejimin engizdi. Vashıngtonda kólik qatynasy toqtatylyp, Nıý-Iorkte kóshede avtomobılderge júrýge tyıym salyndy. Nıý-Djersı men Nıý-Iork bıligi turǵyndardy kóshege shyqpaýǵa shaqyrdy.
Jergilikti BAQ habarlamasy boıynsha, aýa raıynyń qolaısyzdyǵy saldarynan keı aýdandarda qar 70 santımetrge jetip, 200 myńdaı úı jaryqsyz qalǵan, sý tasqyny qaýpi artty.
