AQSh-ta tolassyz qar jaýýynan 8 adam kóz jumdy
ASTANA. QazAqparat - AQSh-tyń soltústik-shyǵysyndaǵy tolassyz jaýǵan qardyń saldarynan qurban bolǵan adamdar sany arta túsýde, dep habarlady reseılik «Jańalyqtar» agenttigi.
Sońǵy málimetter boıynsha 8 adam qazaǵa ushyraǵan.
Jergilikti bılik oryndarynyń naqtylaýynsha, Nıý-Iork shtatynda alty adam jáne Nıý-Gempshır jáne Mıchıgan shtattarynda taǵy eki adam kóz jumǵan.
Meteorologtardiń boljaýynsha jaýyn-shashyn kúsheıe túspek, endi jaqynda aımaqta jyldyq normadaǵy qar túsýi múmkin degendi aıtady.
Nıý-Iorktyń on okrýginde tabıǵattyń tosyn minezi saldarynan tótenshe jaǵdaı rejımi engizildi. Baffalo qalasynyń halyqaralyq áýejaıynda avıareısterdiń 40 paıyzǵa jýyǵy toqtatyldy, al kóptegen eldi mekenderde kólik qozǵalysy qıyndaı túsken.
