AQSh-ta tıranozavr qańqasy aýktsıonǵa qoıyldy
ASTANA. KAZINFORM — Amerıkada 67 mln jyldyq tırannozavr qańqasy aýktsıonǵa shyǵaryldy. Onyń boljamdy quny 30-40 mln dollar dep baǵalandy, dep habarlaıdy TASS.
Sotheby’s aýktsıon úıi saýdany 14 shildede ótkizýdi josparlap otyr.
Bul «tıtan kesirtkesiniń» tolyq saqtalǵan qańqalarynyń biri. Ol 2021 jyly eki aıaqty jyrtqyshtyń tasqa aınalǵan qaldyqtary tabylǵan Ońtústik Dakotadaǵy fermer Garı «Gýs» Lıkıngtiń qurmetine «Gýs» laqap ataldy.
2024 jyly Citadel hedj-qorynyń negizin qalaýshy Ken Grıffın Nıý-Iorktegi Sotheby’s aýktsıonynda rekordtyq 44,6 mıllıon dollarǵa Apex laqap aty bar stegozavr qańqasyn satyp aldy. Lot bastapqyda 4 pen 6 mıllıon dollar aralyǵynda baǵalandy. Apex qazir Nıý-Iorktegi Amerıkandyq tabıǵı tarıh murajaıyna qoıylǵan.
Aýktsıonda satylǵan alǵashqy dınozavr qańqasy da tırannozavrǵa tıesili bolǵan. Aýktsıondy 1997 jyly Sotheby’s ótkizip, «osy ýaqytqa deıin tabylǵan eń tolyq» tırannozavr súıekteri «Sıý» dep atalǵan. Ol paleontolog Sıýzan Hendrıksonnyń qurmetine ataldy. Qańqa 1990 jyldyń sáýirinde Ońtústik Dakotadaǵy rancho aýmaǵynda tabylǵan. Bul jer sıý taıpasynyń ókili Morıs Ýılıamsqa tıesili edi. Ol óz jerin qunsyz dep sanaǵanymen, onyń astynda naǵyz qazyna jatqanyn bilmegen. Qańqany Chıkagodaǵy tabıǵı tarıh murajaıy 8,4 mln dollarǵa satyp alǵan.
Aıta keteıik, Taılandta ǵalymdar salmaǵy 30 tonna bolatyn alyp dınozavrdyń súıegin tapty.
