AQSh-ta tikushaq apaty kezinde bes adam qaza boldy
ASTANA. 8 jeltoqsan. QazAqparat. Las-Vegas qalasyna jaqyn jerde ornalasqan «Mıd kóli» ulttyq demalys aımaǵynyń ústimen ushyp ótip, áýe ekskýrsııasyn jasap júrgen tikushaq apaty kezinde bes adam qaza tapty. Bul týraly demalys aımaǵynyń ókili Endrıý Mýnos málim etti.
Tikushaq apaty jergilikti ýaqyt boıynsha saǵat 17:00-de boldy. Saıabaqtyń qaýipsizdik qyzmetiniń qyzmetkeri jarylys dybysyn estip, kóldiń batysyna qaraı shamamen 6,5 shaqyrym qashyqtyqtan tútin kórgenin aıtty. Áýe apatynda áýe kemesiniń ushqyshy jáne barlyq jolaýshylar qaza tapty.
