AQSh-ta tikeleı efırde 10 adamdy óltirgen jigit ómir boıyna sottaldy

ASTANA. QazAqparat - Nıý-Iork soty 2022 jyly mamyrda Býffalo qalasynda násildik óshpendilikpen 10 adamdy atyp óltirgen 19 jastaǵy Peıton Gendrondy merziminen buryn bosatý quqyǵynsyz ómir boıyna bas bostandyǵynan aıyrýǵa úkim shyǵardy, dep habarlaıdy QazAqparat Euronews-ke silteme jasap.

Ol óz qylmysyn shlemindegi kameranyń kómegimen tikeleı efırden kórsetken bolatyn.

Sýdıalar sot protsesi kezinde qaza tapqandardyń týystarynyń emotsııaǵa toly kýáligin tyńdady. Úkim shyqqannan keıin keıbiri óz ashýyn ustaı almaı qaldy.

Polıtsııa sottalýshyny zaldan alyp ketti. Keıinirek prokýror emotsııasyn ustaı almaǵandarǵa aıyppul salynbaıtynyn málimdedi.

Qaza tapqandar (20-86 jas aralyǵynda) dúkenniń satyp alýshylary men qyzmetkerleri edi.

Gendron vıntovkany zańdy túrde satyp alǵan, biraq Nıý-Iork shtatynda oq-dári satýǵa ruqsat joq.

Foto: Derek Gee/Buffalo News