AQSh-ta tennısten WTA qorytyndy týrnıri máresine jetti
ASTANA. KAZINFORM — Indıan-Ýellste (AQSh) tennısten WTA qorytyndy týrnıriniń jeńimpazdary anyqtaldy.
Jekeleı synda álemniń 3-raketkasy, 2026 jylǵy Rolan Garros týrnıriniń chempıony, reseılik, 19 jastaǵy Mırra Andreeva fınalda reıtıngide 6-oryndaǵy ýkraınalyq Elına Svıtolınany 7:5, 6:3 esebimen jeńdi.
Osylaısha, M.Andreeva sporttyq jolynda alǵash ret WTA qorytyndy týrnıriniń chempıony atandy.
Álemdik reıtıngide 2-orynǵa kóterilgen reseılik tennısshi bıylǵy maýsymdaǵy jeńis sanyn 55-ke jetkizip, bul kórsetkish jóninen qazaqstandyq Elena Rybakınany (54) basyp ozdy.
Ótken jylǵy chempıon E.Rybakınanyń densaýlyǵyna baılanysty qorytyndy dodadan tys qalǵany belgili.
Indıan-Ýellste juptyq synda amerıkalyq Teılor Taýnsend pen chehııalyq Katerjına Sınıakova top jardy. Olar sońǵy básekede ıtalııalyqtar Sara Erranı – Jasmın Paolınıdi tize búktirdi – 6:4, 6:3.
Eske sala keteıik, budan buryn Jibek Qulambaevanyń Kolýmbııadaǵy týrnırdiń chempıony atanǵanyn jazǵan edik.
Sondaı-aq tennısshi Asyljan Arystanbekova Túrkııadaǵy jarysta úzdik shyqty.
WTA qorytyndy týrnırinde bas júldege talasatyn tennısshiler belgili boldy.
Tennısshi Asyljan Arystanbekova Túrkııadaǵy jarysta úzdik shyqty.