AQSh-ta Táýelsizdik kúnin merekeleý kezinde 400-den astam adam ustaldy
ASTANA. KAZINFORM — AQSh-tyń Táýelsizdik kúni merekesi kezinde Nıýport-Bıch qalasynda quqyq qorǵaý organdary 400-den astam adamdy ustady, dep habarlaıdy Report.
Los Angeles Times gazetiniń málimetinshe, mereke qarsańynda jergilikti bılik quqyq buzýshylyqtarǵa qatysty «múldem tózbeýshilik» saıasatyn jarııalaǵan.
4 shilde keshinde merekelik shara jappaı tártipsizdikke ulasyp, kóshedegi tóbelester, urlyq, jol belgilerin búldirý jáne otshashýlardy zańsyz atý faktileri tirkeldi.
Ustalǵandardyń basym bóligi — jastar. Olardyń kóbi Nıýport-Bıch qalasynyń turǵyndary emes. Jastardyń birazy zańsyz otshashý atylǵany týraly habar túsken jergilikti jaǵajaıda ustalǵan.
Aıta keteıik, AQSh prezıdenti Donald Tramp Amerıkanyń 250 jyldyǵyna arnalǵan Freedom 250 merekelik kontsertine kóp ártis qatysýdan bas tartqannan keıin ony «Amerıkany qaıtadan uly eteıik» uranymen mıtıngpen almastyrýdy usynǵan bolatyn.
