AQSh-ta tasqyn saldarynan 28 adam qaza tapty
ASTANA. QazAqparat - Amerıkanyń Tehas jáne Oklahoma shtattarynda sý tasqyny saldarynan qaza tapqan adamdardyń sany 28-ge jetti. Buǵan deıin ajal qushqan 23 adam týraly habarlanǵan bolatyn.
Sondaı-aq 15 adam iz-tússiz joǵalǵan, dep habarlaıdy RIA Novostı. Tehastyń ońtústik-shyǵysyndaǵy Ýorton qalashyǵynda Kolorado ózenindegi sý deńgeıiniń kóterilýi saldarynan saqtyq maqsatynda shamamen 300-ge jýyq úıdiń turǵyndary qaýipsiz jerge kóshirilgen. Taıaý saǵattarda ózendegi sý deńgeıi on metrden astam kóteriledi.
Nóser áli birneshe aptaǵa jalǵasýy múmkin. Tabıǵı apat saldarynan keltirilgen shyǵyn saǵat saıyn kóbeıip keledi.
