AQSh-ta «talantty» haker 40 myń kredıtkadan aqsha urlaǵan
ASTANA. QazAqparat - Reseıdiń týmasy Aleksandr Tverdohlebov Vırdjınııa shtatynyń Shyǵys okrýgynyń sotynyń sheshimimen 110 aıǵa túrmege qamaldy. Ol jarty mıllıon kompıýterlerdi buzyp, 40 myń kredıt kartalarynan aqsha urlaǵany úshin sottaldy, dep habarlaıdy Lenta.ru.
Qos azamatyǵy bar Tverdohlebov aqpan aıynda ustalǵan, naýryz aıynda óziniń kinásin tolyq moıyndap AQSh bıligine 4,5 mıllıon dollarǵa baǵalanǵan óziniń bıtkoın-qoryn berýge kelisimin berdi.
Haker ustalǵanǵa deıin Los-Andjeleste turǵan. Onyń depozıtterge saqtalǵan 272 myń dollar qarajaty bolǵan.
Aıta keteıik, sot sheshimin shyǵarar aldynda sýdıa Tverdohlebovty talantty jigit dep atady.
