AQSh-ta taǵy bir krýız laıneri koronavırýsqa baılanysty karantınge alyndy
SAN-FRANTsISKO. VVS- QazAqparat – «Grand prıntsess» krýız laıneri Kalıfornııa jaǵalaýyndaǵy teńizde 21 aqpanda San-Frantsıskoda kemeden túsken aldyńǵy sapardaǵy jolaýshylardyń birine koronavırýs dıagnozy qoıylǵannan keıin karantınge alyndy. Bul týraly QazAqparat BBC-ge silteme jasap habarlaıdy.
71 jastaǵy er adam sársenbi kúni Sakramento emhanasynda kóz jumdy. Onyń koronavırýs juqtyrǵany habarlanǵan.
Bul Covid-19 vırýsynan kóz jumǵan Kalıfornııadaǵy alǵashqy, AQSh-taǵy on birinshi jaǵdaı. Osy habardy estigennen keıin Kalıfornııa gýbernatory Gevın Nıýsom shtatta tótenshe jaǵdaı jarııalady.
«Grand prıntsess» krýız laıneri Japonııada karantınge alynǵan «Daımond prıntsess» kemesimen bir topqa jatady. Eki krýız laıneri de Carnival kompanııasyna tıesili. 21 aqpanda keme Gavaııge barý úshin Meksıkadan oraldy.
Reıs toqtatyldy, al keme Kalıfornııa jaǵalaýyndaǵy ashyq teńizde aldyńǵy sapardaǵy jolaýshylardyń birine koronavırýs dıagnozy qoıylǵannan keıin karantınge alynǵan. Bortta 62 adam bolǵan.
Bul jolaýshylar óz kaıýtalarynda oqshaýlanǵan, qalǵandary kemede erkin júre alady.
Dárigerler «Grand prıntsess» kemesiniń 11 jolaýshysy men 10 ekıpaj múshesinde koronavırýs bolýy múmkin dep boljap otyr.
