AQSh-ta Svett qalasy 400 myń dollarǵa satylmaq
ASTANA. QazAqparat - Ońtústik Dakota shtatynyń Svett qalashyǵynyń ıesi qalany 400 myń dollarǵa satýǵa qoıdy, dep habarlady RIA Novostı Rapid City Journal gazetine silteme jasap.
Svett qalashyǵynyń jalǵyz turǵyny ári Lans Benson ony turǵyn úıi, dámhanasy, sheberhanasy, úsh treıleri jáne alty akr jerimen satýǵa qoıǵanyn habarlady. Bensonnyń aıtýynsha, ol qalany ózine qaldyrǵysy kelgen, alaıda qala qojaıyny qazirgi tańda týrızmmen aınalysatyn bıznesine den qoımaqshy.
«Bul qalany satqym kelip turǵan joq. Eger ony bir jyldyń ishinde eshkim almasa, ózime qaldyramyn», - dedi Benson gazetke bergen suhbatynda.
Aýyldardaǵy basqa da qalashyqtar sııaqty, Svett sońǵy jarty ǵasyrda elsiz qalǵan. Mundaǵy barlyq turǵyndar iri qalalarǵa kóship ketken. 1940 jyldary bul eldi mekende 40-qa tarta adam turǵan, azyq-túlik dúkeni men poshta jumys istegen. Qazir bul jerdiń birden-bir turǵyndary Benson men onyń áıeli bolyp tabylady.
