AQSh-ta suranys tómendeıdi degen qaýipten munaı baǵasy arzandap ketti
ASTANA. 23 qyrkúıek. QazAqparat - Qara altynnyń baǵasy keshe Federaldyq rezervtik júıeniń AQSh-ta munaıǵa degen suranystyń tómendeýi saldarynan ekonomıkaǵa tóngen birer qaýip bar ekendigi jónindegi habarlamasynan keıin kúrt arzandap ketti, dep habarlaıdy FINMARKET.RU.
22 qyrkúıektegi saýda qorytyndysy boıynsha NYMEX Nıý-Iorksk saýda bırjasynda WTI markaly munaıdyń qarashalyq fıýchersteriniń baǵa belgilenimderi 5,41 dollarǵa qulap (-6,3%), barreline 80,51 dollardy qurady.
Brent markaly munaıdyń qarashalyq fıýchersteriniń quny ICE bırjasynda 4,87 dollarǵa tómendep (-4,4%), 105,49 dollarǵa teńesti.
Búgin munaı baǵasy ósýde. Qarashalyq fıýchers Máskeý ýaqyty boıynsha 7:59-da Nıý-Iorktegi elektrondyq saýdada 0,59 dollarǵa ósip, barreline 81,10 dollarǵa deıin jetti. Brent markaly munaıdyń baǵasy da 0,59 dollarǵa ósip, barreline 106,30 dollardy qurady.
