AQSh-ta sý tasqynynan myńdaǵan adam úılerin tastaýǵa májbúr bolyp, eki adam qaza tapty
ASTANA. QazAqparat - AQSh-tyń Orta Batys aýdanyndaǵy shtattarda sý tasqyny oryn alyp, eki adam ajal qushsa, eki myńdaı turǵyn úılerin tastap shyǵýǵa májbúr boldy, dep habarlady RIA «Novostı».
Tolassyz jaýǵan jaýyn ekpindi sý tasqyny men tornadonyń oryn alýyna ákep soqty. Jergilikti órt sóndirý qyzmetiniń qyzmetkeri Oklahom shtatynda on shaqty adamdy qutqarý barysynda qaza bapty. Taǵy bir er adam Tehas shtatyndaǵy Blanko ózeniniń mańyndaǵy sý basqan aımaqtan tabyldy, dep habarlady Assoshıeıted Press agenttigi.
Jergilikti bılik komendanttyq saǵat engizýge májbúr. Turǵyndar aldaǵy ýaqytta taǵy da sý tasqynyna sebep bolatyn nóser jaýyn jaqyndap qalǵany jaıly eskertildi.
Kóptegen ǵımarattardyń qırap jatqany týraly habarlanýda, oqıǵa ornynda qutqarý qyzmetteri jumys júrgizýde.
