AQSh-ta sý tasqynynan qaza tapqandar sany 21 adamǵa jetti

ASTANA. KAZINFORM – Amerıkanyń Kentýkkı shtatynda qatty sý tasqyny saldarynan qaza tapqandar sany 21 adamǵa jetti, dep habarlaıdy NBC News.

Lýısvıldegi Ulttyq meteorologııalyq qyzmetiniń keńsesi habarlaǵandaı, osy aptada aýa raıy jyly, qurǵaq bolady dep boljanyp otyr. Bul shtattaǵy jaǵdaıdy jaqsartýǵa septigin tıgizedi.

660-qa jýyq turǵyn áli kúnge deıin jaryqsyz qalǵan. Shtat boıynsha 100-den astam jol jabyq, kentýkkılik 600-ge jýyq turǵyn qonaqúılerde, mektepterde jáne shirkeýlerde panalap júr, dep habarlady gýbernator Endı Beshır.

- Kentýkkı sońǵy jyldary bolǵan eń úlken tabıǵı apattardyń birin bastan ótkerdi, onyń zardaptary búkil shtatta sezildi, - dep jazdy Endı Beshır.

Shtat apat saldaryn joıýǵa kómek kórsetý úshin federaldy maquldaýdy kútip otyr.

Buǵan deıin habarlanǵandaı, bir apta buryn AQSh-tyń Kentýkkı shtatynda adamdar sý deńgeıiniń tez kóterilýinen zardap shekti. Myńnan astam qutqarý operatsııasy júrgizildi, segiz adamnyń qaza tapqany rastaldy.