AQSh-ta stýdent 14 adamdy jaraqattady
ASTANA. 10 sáýir. QazAqparat - Tehasta kýágerlerdiń aıtýlary boıynsha tártip saqshylary 14 adamdy pyshaqpen jaraqattaǵan stýdentti ustady.
Bul týraly BıBıSı agenttigi habarlaıdy.
Oqıǵa Hıýston mańyndaǵy Saıpress qalasynda Lone Star kolledjiniń kampýsynda oryn alǵan. Ǵımarattaǵy halyq qaýipsiz jerge kóshirildi. Al kampýstyń ózi tergeý jumystary aıaqtalǵansha jabylǵan. Jaraqattanǵandardyń tórteýi tikushaqpen aýrýhanaǵa jetkizildi, olardyń ekeýiniń jaǵdaıy tym múshkil.
Polıtsııa qyzmetkerleri beıne baqylaý kamerasyndaǵy jazbany teksergen. Olardyń aıtýlarynsha, qylmysqa kúdikti tek bir adam ǵana bar. Sherıf Andrıana Garsııanyń sózine súıensek, qolǵa túsken kúdiktiniń jasy 21-de. Ol Lone Star kolledjiniń stýdenti.
