AQSh-ta Stıv Djobstyń tuńǵysh ómirbaıany saýdaǵa tústi

Bnews.kz «AıF»-ke silteme jasap habarlaýynsha, 650 bettik «Stıv Djobs» kitaby 35 dollar bolyp belgilendi. Kitapty ınternet-dúkenderde de satyp alýǵa bolady.

Djobstyń dara ári resmı ómirbaıanynyń avtory Ýolter Isaakson óz kitabynda Stıv Djobstyń Apple operatsııalyq júıesiniń bas básekelesi Google-diń Android-yn qurtpaq bolyp, osy maqsatta kompanııanyń barlyq aqshasyn qurban etýge daıyn bolǵany jóninde áńgimeleıdi, dep habarlaıdy VVS orys qyzmeti.

«Men Android-tyń kózin qurtam, sebebi ol - urlanǵan ónim. Men ol úshin ıadrolyq soǵysqa barýǵa daıynmyn», - degen Isaakson kitabynyń úzindilerin mysalǵa keltiredi agenttik. Avtordyń sózine qaraǵanda, Djobs Android-ty «iri urlyq» dep sanaǵan.

«Eger qajet bolsa, osy qatelikti túzetý úshin men sońǵy demim qalǵansha, Apple-diń banktegi 40 mlrd dollarynyń sońǵy tsenti qalǵansha kúresetin bolam», - degen kitap úzindilerin keltiredi Bı-bı-sı.

Esterińizge sala keteıik, Stıv Djobs 2011 jyldyń 5 qazanynda isik aýrýynan qaıtys boldy.