AQSh-ta Starbucks dámhanasyndaǵy atystan 1 adam kóz jumdy
ASTANA. QazAqparat - Jeksenbi kúni tańerteń Las-Vegastaǵy Starbucks dámhanasynda er adam qarýdan oq atty, saldarynan bir adam kóz jumdy, dep habarlady newsru.com.
Alǵashynda belgisiz er adamnyń jarylǵysh zatty iske qosamyn dep qorqytqany týraly habarlanǵan edi, alaıda dámhanadan bomba tabylmady.
Las-Vegas polıtsııasy Týıtterde jarııalanǵan málimdemesinde oq atqan er adamnyń qamaýǵa alynǵany kórsetilgen.
Atys orny áli de quqyq qorǵaýshylardyń qorshaýynda, olar tergeý júrgizip, oqıǵanyń mán-jaıyn anyqtaýda.
Aldyn ala boljam boıynsha, eki er adamnyń arasyndaǵy arazdyq sońy qarýdan oq atýǵa ulasqan.
Jedel járdem qyzmeti jaraly adamdy aýrýhanaǵa jetkizdi, alaıda onyń ómirin qutqarý múmkin boldy.
