AQSh-ta Spasskıı men Fısher oınaǵan shahmat taqtasy bássaýdaǵa qoıylady
ASTANA. QazAqparat - 1972 jyly Keńes odaǵynan Borıs Spasskıı jáne amerıkalyq Robert Fısher oınaǵan shahmat taqtasy AQSh-ta Heritage Auctions aýktsıon úıi uıymdastyrǵan saýda-sattyqqa qoıylatyn bolady.
Bul týraly aýktsıon úıiniń resmı ókilderi málim etti.
Bássaýda qarashanyń 17-nen 19-y aralyǵynda amerıkalyq Dallas (Tehas shtaty) qalasynda ótedi.
Lottyń baǵalyq quny $300 myń. Bul taqtada álem chempıony ataǵyna talasqan Fısher men óz tıtýlyn qorǵaǵan Spasskıı kezdesýleriniń 21 partııasynyń 7-eýi oınalǵan. Oıyn 1972 jyly Reıkıavıkte ótti jáne amerıkalyq grossmeısterdiń paıdasyna sheshildi.
Taqtada qara markermen jazylǵan Spasskıı men Fısherdiń qoltańbalary bar. Bul zatty saýda-sattyqqa aty qupııa Nıý-Iorktiń kollektsıoner qoıyp otyr.
Borıs Spasskıı (1937 jyly týǵan) 1969 jyly Tıgran Petrosıanmen aradaǵy ekinshi matchtan keıin álem chempıony atandy. Fısher (1943-2008) 1948 jyly shahmat tájine KSRO atynan shyqpaǵan birinshi úmitker boldy.
